(CIC)
Kec
Kec Obedo Gin Ango?
Kec pe gin ma welo I lobo kany. Kec ocakke yam wacon. Kec opoto kama dwong iyoo mapat pat; ka waneno mot kec obipoto I kare macon ma onongo gilwongo ni “KEC NYA RUBANGA” ki mukene gilwongo ni “ABONGO WANG DAKO” dong pingo gilwongo kumeno?Pien I kare makec tye matek, jami ma giweko ni lutino ojol ki cwiny-gi I odiko, ka cawa me butu oromo ci lacoo roto dako ka onino, en roto ki bongo wange; ma ka onongo dako onino ci en kwanyo gin ca ma giweko ki lutino ci camo. Dong ka oo I odiko, ka gipenyo ci dong gileyo I wii oyoo.

Dong gin ma kello kec aye ceng madwong tutwal onyo kot ma okato laco ki bonyo bene balo cam ki ipoto.Ki ma ditte aye lweny
Adwogi pa kec aye; kelo kwo, keto ber bedo I ot, gengo lutino wot I kwan ki bene kelo too pa dano bene twero kelo kic madwong , tutwalle litino matino ki jo mutegi bene wa lee. Wa lutino mon bene cungo I nywal (kwero ywal ).Dongo lobo bene bedo peke, cente bene rweny ki icing dano, bene keto wat ma tye I kin dano. Kec bene twero medo kero me two, onyo nongo two (HIV/AIDs) bedo lamal. Pien ngat ma tye ki cente twero bino boti ka willi ki cente we I but kwedi, dongo in pi kec ma tye ki cente ma peke I cingi I twero yee ci no tye kamedo wel onyo kero me twoni bedo lamal, pe HIV/AIDS keken, twero bedo bene nyac.
Labolle, I Somalia kama kec tye iye madwong, Ireland wa I Uganda bene tutwale I kumalo, ma onen I mwaka ma okato dok tye kore okato bene wa I mwaka-ni.

Ngo ma giromo timo-ne me weko kec obed peke onyo kero ne obed lapiny;me acel, dano omyero guribbe itic kacel I dul (ki bed I dul) mapat pat we walwenyo matek pi juku kec I ngom-wa ki gamente ma ping ki gamente mamalo omyero gukati ki cik me cako pur I rwom mapat-pat cake wa piny. Dok bene omyero gucak program me keto kagwoko cam (preserve store), ma nongo ka kec tye ci itwero gamo en cam enoni me konyi I kare enoni.
Lupur bene omyero gipwony gi I kit me pur ki gwoko cam iyoo ma ber, dok gamente okony lupur ki jami ma weko mini gi kero me pur. Ki bene ka kec opoto gamente ki dul ma pe jenge I kum gamente (NGOs) omyero gukati ka miyo kony ki dano ma nongo peko opoto ikum-gi. Pien otwero puru pur ento ka peko obedo ki tung bot kot onyo ceng ci omyero gikati ki kony, pien enoni kadi ipur nongo pe obilare.